གྲུབ་ཆེན་ས་ར་ཧ་དང་། ཀུན་མཁྱེན་ཀློང་ཆེན་པའི་གསུང་།

 ས་ར་ཧའི་གསུང་། གསང་ཆེན་སྨྱོན་པའི་སྤྱོད་པ་ལྷག་པར་བྱས་ནས་ནི།། བྱ་མིན་མི་བྱ་མིན་པའི་སྤྱོད་པ་རང་ཤུགས་ཀྱིས།། གླང་ཆེན་མཚོ་རུ་འཇུག་འདྲ་རྟག་ཏུ་སྨྱོན་སེམས་ཀྱིས།། སྨད་པའི་ཆོས་རྣམས་སྤྱད་ན་གྲོལ་བར་མདའ་བསྣུན་སྨྲ།། ཞེས་དང་། ཀུན་མཁྱེན་ཀློང་ཆེན་པས། དུར་ཁྲོད་ལ་སོགས་དབེན་པའི་གནས་སོང་སྟེ།། མི་གཙང་ངོ་ཚ་ཚུལ་འཆོས་རབ་སྤངས་ལ།། གཉིས་མེད་རང་གྲོལ་ལྟ་སྒོམ་ངང་ཉིད་ནས།། བླ་དོར་འཛིན་མེད་སྨྱོན་པའི་བརྟུལ་ཞུགས་ཀྱིས།། འགྲོ་དང་འདུག་དང་མཆོང་དང་རྒྱུག་པ་དང་།། སྨྲ་དང་དགོད་དང་ངུ་དང་གླུ་ལེན་དང་།། དགའ་དང་མི་དགའ་ཆགས་སྡང་བདེ་སྡུག་དང་།། རིགས་དྲུག་སྤྱོད་པ་མཐོང་ཐོས་དྲན་ཚད་བྱ།། ཞེས་གསུངས།

བྲམ་ཟེ་དག་གི་རིགས་ཀྱི་ཆོས།

 རིགས་ཀྱི་ཆོས་ནི་ད་ལྟའི་དུས་སུ་ཡང་།། རྩ་བ་མེད་པའི་ཡལ་ག་རྒྱས་པ་སྟེ།། རྐང་ལག་བཞི་བཙུགས་ཟླ་ལམ་གནས་སྐོར་འགྲོ།། སྤྱི་བོ་སར་བཙུགས་ངག་བཅད་བཤང་ཅི་ཟ།། ཕུར་བུ་སྟོང་གི་རྩེར་ཉལ་ཕོ་མཚན་གྱི།། སྐེ་ལ་སྒོ་ལྕག་འཁྲིག་པའི་ཆོས་སྤང་ཞེས།། གཅེར་བུར་རྒྱུ་སོགས་ལ་ལས་ཁ་ཊམ་བཟུང་།། ཁུ་ཚུར་བཅིངས་པས་ལག་ཞ་སེར་མོ་རྣམས།། ལག་མཐིལ་ཕུག་སྟེ་རྒྱབ་ཏུ་འཐོན་པའང་ཡོད།། 

གཏམ་རྒྱུད་གསེར་ཐང་ལས། 

སྒྲོལ་མ་འཇིགས་པ་བརྒྱད་སྐྱོབ་མ་བཞུགས།

ཨོཾ། རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ།། འཇིགས་པ་བརྒྱད་སྐྱོབ་མ་ལ་ཕྱག་འཚལ་ལོ།། བཀྲ་ཤིས་དཔལ་འབར་མ་ལ་ཕྱག་འཚལ་ལོ།། ངན་སོང་སྒོ་བཀག་མ་ལ་ཕྱག་འཚལ་ལོ།། མཐོ་རིས་ལམ་འདྲེན་མ་ལ་ཕྱག་འཚལ་ལོ།། རྟག་ཏུ་ཁྱོད་ཀྱིས་སྡོང་གྲོགས་མཛོད།། ད་དུང་ཐུགས་རྗེས་བསྐྱབ་ཏུ་གསོལ།། 

འདི་ནི་ཇོ་བོ་རྗེ་ཨ་ཏི་ཤའི་བླ་མ་གསེར་གླིང་པ་མཇལ་དུ་ཕེབས་སྐབས་རྒྱ་མཚོ་ཆེན་པོ་གྲུ་ལ་བཞུགས་པའི་སྐབས་རྒུད་པའི་འཇིགས་པ་བྱུང་བའི་སྐབས་སུ་གསོལ་བ་འདི་གཏབ་པས་སྒྲོལ་མ་དངོས་སུ་ཞལ་གཟིགས་ནས་འཇིགས་པ་ལས་བསྐྱབ་པར་གྲགས་སོ། །

 

 

 

ཁྱིམ་པས་གཟན་ཤམ་གྱོན་ཆོག་གམ།

 སྤྱིའི་ཆ་ནས་སྡོམ་པ་དང་མི་ལྡན་པར་གྲྭ་ཆས་གྱོན་པ་ནི་ཐབས་སྐྱོ་པོར་བརྩི་རུང་ནའང་། འོན་ཀྱང་དམ་ཆོས་འདུལ་བ་གཞིར་བཟུང་ནས་དེ་གྱོན་ཆོག་གམ་མི་ཆོག་སྙམ་ན། དམ་ཆོས་འདུལ་བ་གཞིར་བཟུང་ན་མཐའ་གཅིག་ཏུ་མི་ཆོག་ཅེས་བརྗོད་དཀའ་བར་སྙམ་སྟེ། དཔེར་ན། སངས་རྒྱས་ལ་སྐྱེ་རྒུའི་བདག་མོས་ཨུ་ཚུགས་ཀྱིས་རབ་ཏུ་བྱུང་བར་ལམ་གསུམ་གྱི་བར་དུ་གསོལ་བར་བཏབ་པའི་ཚེ་ན། ལན་དང་པོར། སངས་རྒྱས་ཀྱིས་ཁྱིམ་དུ་བཞུགས་ནས་གོས་དཀར་གྱོན་ཏེ་ཚངས་པར་སྤྱོད་ཅིང་སྒོམ་ཉམས་སུ་ལེན་ན་འགྲིགས་པ་ལས་རབ་ཏུ་བྱུང་མི་དགོས་པར་བཀའ་གནང་། དེ་ཡང་མ་ཉན་ནས་ཕྱིས་སུ་ཤཱཀྱའི་བུ་མོ་ལྔ་བརྒྱ་དང་བཅས་པ་སྐྲ་བྲེགས་ཏེ་ལན་གཉིས་པ་གསོལ་བར།

རྟེན་གྱི་དྲུང་ནས་སྨོན་སེམས་དང་བྱང་སྡོམ་ལེན་ཚུལ་བཞུགས་སོ། །

སྐྱབས་འགྲོ།

བདག་མིང་འདི་ཞེས་བགྱི་བས་དུས་འདི་ནས་བཟུང་ནས་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་རྐང་གཉིས་རྣམས་ཀྱི་མཆོག་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ།   །བདག་མིང་འདི་ཞེས་བགྱི་བས་དུས་འདི་ནས་བཟུང་ནས་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་ཆོས་རྣམས་ཀྱི་མཆོག་ཞི་བ་འདོད་ཆགས་དང་བྲལ་བའི་ཆོས་རྣམས་ལ་སྐྱབས་སུ་མཆིའོ།  །བདག་མིང་འདི་ཞེས་བགྱི་བས་དུས་འདི་ནས་བཟུང་ནས་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་ཚོགས་རྣམས་ཀྱི་མཆོག་འཕགས་པ་བྱང་ཆུབ་སེམས་དཔའ་ཕྱིར་མི་ལྡོག་པའི་དགེ་འདུན་རྣམས་ལ་སྐྱབས་སུ་མཆིའོ།    །ཞེས་ལན་གསུམ་བརྗོད།      

༄༅། །ཆོས་སྐྱོང་ཞང་པཎ་གྱི་གཏོར་ཆོག་བསྐང་གསོ་རྒྱས་པ་བཞུགས་སོ།།

བླ་མ་དང་བདེ་མཆོག་འཁོར་ལོའི་ལྷ་ཚོགས་རྣམས་ལ་ཕྱག་འཚལ་ལོ། །འདིར་དགེ་བསྙེན་ཆེན་པོ་ཞང་པཎ་འདབ་ལ་དབང་དྲག་གི་འཕྲིན་ལས་བཅོལ་བའི་ཚུལ་མདོར་བསྡུས་པ་ཞིག་བྲི་བར་བྱའོ། །དེ་ཡང་གང་དུ་དབེན་པའི་གནས་དེར་བླ་མ་ཡི་དམ་ལ་མཆོད་གཏོར་རྒྱ་ཆེན་པོ་བཤམས། ཁྱད་པར་བཀའ་སྲུང་འདི་ཉིད་ཀྱི་ཕྱི་ནང་གི་རྟེན་རྫས་དང་། མཆོད་གཏོར་སྤྱན་རག་སྤྱན་གཟིགས་སོགས་མ་ཚང་བ་མེད་པ་བཀྲམས། རང་ཉིད་ཡི་དམ་གྱི་བདག་བསྐྱེད་བདེ་མཆོག་གམ་འཇིགས་བྱེད་ཀྱི་བདག་བསྐྱེད་རྒྱས་པའམ། བསྡུ་ན།རང་ཉིད་སྐད་ཅིག་གིས་དཔལ་རྡོ་རྗེ་འཇིགས་བྱེད་ཞལ་གཅིག་ཕྱག་གཉིས་ཀྱི་གྲི་གུག་དང་ཐོད་པ་འཛིན་པ་ཡུམ་དང་བཅས་པའི་སྐུར་བཞེངས་པར་གྱུར། ཨོཾ་ཧྲཱིཿཥྚཱིཿཝི་ཀྲི་ཏཱ་ན་ན་ཧཱུཾ་ཕཊ། ཨོཾ་སྭ་བྷཱ་ཝྺ་ཤུདྡྷཿསརྦ་དྷརྨཱཿསྭ་བྷཱ་ཝྺ་ཤུདྡྷོ྅ཧཾ། སྟོང་པ་ཉིད་དུ་གྱུར། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་སྔོན་པོ་གཞུའི་དབྱིབས་ལྟ་བུ་བ་དན་གྱིས་མཚན་པ།

༄༅།། གསོལ་ཁ་དང་འཕྲིན་བཅོལ་བཞུགས་སོ།།

སྲུང་མ་སྤྱིའི་བཤགས་པ། ཧཱུྃ། ཆོས་སྐུའི་རང་བཞིན་མཁའ་ལྟར་རྣམ་དག་ཀྱང་།། མ་རིག་དབང་གིས་རྨི་ལམ་སྒྱུ་མ་ལྟར།། ནོངས་པ་ཅི་མཆིས་བླ་མ་ཡིན་དམ་ལྷ།། ཆོས་སྐྱོང་སྲུང་མ་འཁོར་བཅས་སྤྱན་སྔར་བཤགས།། མགོན་པོའི་བསྟོད་པ་མྱུར་མཛད་མ། ཧཱུྃ། མྱུར་མཛད་སྤྱན་རས་གཟིགས་ལ་ཕྱག་འཚལ་ལོ།། ཞབས་གདུབ་དང་བཅས་བི་ནཱ་ཡ་ཀ་མནན།། ནག་པོ་ཆེན་པོ་སྟག་གི་ཤམ་ཐབས་ཅན།། ཕྱག་དྲུག་སྦྲུལ་གྱི་རྒྱན་གྱིས་རྣམ་པར་བརྒྱན།། གཡས་པ་གྲི་གུག་བར་པ་ཕྲེང་བ་འཛིན།། ཐ་མ་ཌཱ་མ་རུ་ནི་དྲག་ཏུ་འཁྲོལ།། གཡོན་པ་ཐོད་པ་དང་ནི་མདུང་རྩེ་གསུམ།།

༄༅། ། ཇ་མཆོད་བཀའ་རྒྱ་མ་བདེ་ཆེན་ཀུན་བཟང་།

 རང་ལྷར་གསལ་བདེ་ཆེན་འཁོར་ལོའི་སྟེང་༎ ལྷ་ཞི་ཁྲོ་རབ་འབྱམས་འདུས་པའི་དབུས།། གདན་སེང་ཁྲི་པད་ཉི་ཟླ་དཀྱིལ་ཁར།།  སྐྱབས་ཀུན་འདུས་རྩ་བའི་བླ་མ་བཞུགས།། ཨོཾ་ཨཱཿ ཧཱུྃ། བདེ་ཆེན་ཀུན་བཟང་ཇ་མཆོད་རྒྱ་མཚོ་འདི།། རྗེ་བཙུན་རྩ་བའི་བླ་མ་མཉེས་ཕྱིར་འབུལ། །

ཇ་མཆོད་འདྲེན་པ་མཉམ་མེད་མ་བཞུགས་སོ།།

འདྲེན་པ་མཉམ་མེད་ཟས་གཙང་སྲས།།

དེ་སྲས་མཁྱེན་དང་བརྩེ་བའི་བདག །

འཇམ་པའི་དབྱངས་དང་མི་ཕམ་མགོན།།

གསོལ་བ་འདེབས་སོ་བྱིན་གྱིས་རློབས།།

ལྔ་བརྒྱའི་གཙུག་རྒྱན་ཐམས་ཅད་མཁྱེན།།

འོད་དཔག་མེད་མགོན་མར་མེ་མཛད།།