དང་པོ་ཏིང་འཛིན་ལྷའི་གཟེར། སྐྱེ་གནས་བཞི་གང་རུང་གི་བག་ཆགས་སྦྱོང་བ་དང་འབྲེལ་བར་ཕྱི་སྣོད་གཞལ་ཡས་ཁང་དང་ནང་བཅུད་ལྷ་དང་ལྷ་མོ་རང་ལུས་ལྷ་སྐུ་སྒྱུ་མ་ལྟ་བུར་གསལ་ཏེ་སྣང་ཆ་ནས་དབུས་ཀྱི་གཙོ་བོ་ནས་མཐའི་མེ་རིའི་བར་ཐམས་ཅད་སོ་སོར་མ་འདྲེས་པར་ན་བཟའི་རི་མོ་ཡན་ཆད་ཡོངས་སུ་རྫོགས་པར་གསལ་ཡང་སྣང༷་དུ༷ས་དེ་ཉིད༷་ན༷ས་ར༷ང་བཞི༷ན་གྱིས་མ༷་གྲུ༷བ་པ༵འི་ཟུང་འཇུག་ཆེན་པོར་ལམ་གྱིས་གསལ་བཏབ་ལ། ཡེ་ཤེས་ལྔས་དབང་བསྐུར་ཞིང་སྐུ་གསུང་ཐུགས་ཀྱིས་རྒྱས་གདབ་པ་སོགས་ཡན་ལག་ཚང་བར་བྱེད་པ་ཡིན་ཏེ། དེ་ཡང་ཞི་བ་ཡིན་ན་ཚུལ་དགུ་དང་། ཁྲོ་བོ་ཡིན་ན་གར་གྱི་ཉམས་དགུ་དང་ལྡན་པ་སྟེ། ཞི་ཚུལ་དགུ་ནི།
