སྤྱིའི་ཆ་ནས་སྡོམ་པ་དང་མི་ལྡན་པར་གྲྭ་ཆས་གྱོན་པ་ནི་ཐབས་སྐྱོ་པོར་བརྩི་རུང་ནའང་། འོན་ཀྱང་དམ་ཆོས་འདུལ་བ་གཞིར་བཟུང་ནས་དེ་གྱོན་ཆོག་གམ་མི་ཆོག་སྙམ་ན། དམ་ཆོས་འདུལ་བ་གཞིར་བཟུང་ན་མཐའ་གཅིག་ཏུ་མི་ཆོག་ཅེས་བརྗོད་དཀའ་བར་སྙམ་སྟེ། དཔེར་ན། སངས་རྒྱས་ལ་སྐྱེ་རྒུའི་བདག་མོས་ཨུ་ཚུགས་ཀྱིས་རབ་ཏུ་བྱུང་བར་ལམ་གསུམ་གྱི་བར་དུ་གསོལ་བར་བཏབ་པའི་ཚེ་ན། ལན་དང་པོར། སངས་རྒྱས་ཀྱིས་ཁྱིམ་དུ་བཞུགས་ནས་གོས་དཀར་གྱོན་ཏེ་ཚངས་པར་སྤྱོད་ཅིང་སྒོམ་ཉམས་སུ་ལེན་ན་འགྲིགས་པ་ལས་རབ་ཏུ་བྱུང་མི་དགོས་པར་བཀའ་གནང་། དེ་ཡང་མ་ཉན་ནས་ཕྱིས་སུ་ཤཱཀྱའི་བུ་མོ་ལྔ་བརྒྱ་དང་བཅས་པ་སྐྲ་བྲེགས་ཏེ་ལན་གཉིས་པ་གསོལ་བར།
