བླ་མ་དང་བདེ་མཆོག་འཁོར་ལོའི་ལྷ་ཚོགས་རྣམས་ལ་ཕྱག་འཚལ་ལོ། །འདིར་དགེ་བསྙེན་ཆེན་པོ་ཞང་པཎ་འདབ་ལ་དབང་དྲག་གི་འཕྲིན་ལས་བཅོལ་བའི་ཚུལ་མདོར་བསྡུས་པ་ཞིག་བྲི་བར་བྱའོ། །དེ་ཡང་གང་དུ་དབེན་པའི་གནས་དེར་བླ་མ་ཡི་དམ་ལ་མཆོད་གཏོར་རྒྱ་ཆེན་པོ་བཤམས། ཁྱད་པར་བཀའ་སྲུང་འདི་ཉིད་ཀྱི་ཕྱི་ནང་གི་རྟེན་རྫས་དང་། མཆོད་གཏོར་སྤྱན་རག་སྤྱན་གཟིགས་སོགས་མ་ཚང་བ་མེད་པ་བཀྲམས། རང་ཉིད་ཡི་དམ་གྱི་བདག་བསྐྱེད་བདེ་མཆོག་གམ་འཇིགས་བྱེད་ཀྱི་བདག་བསྐྱེད་རྒྱས་པའམ། བསྡུ་ན།རང་ཉིད་སྐད་ཅིག་གིས་དཔལ་རྡོ་རྗེ་འཇིགས་བྱེད་ཞལ་གཅིག་ཕྱག་གཉིས་ཀྱི་གྲི་གུག་དང་ཐོད་པ་འཛིན་པ་ཡུམ་དང་བཅས་པའི་སྐུར་བཞེངས་པར་གྱུར། ཨོཾ་ཧྲཱིཿཥྚཱིཿཝི་ཀྲི་ཏཱ་ན་ན་ཧཱུཾ་ཕཊ། ཨོཾ་སྭ་བྷཱ་ཝྺ་ཤུདྡྷཿསརྦ་དྷརྨཱཿསྭ་བྷཱ་ཝྺ་ཤུདྡྷོ྅ཧཾ། སྟོང་པ་ཉིད་དུ་གྱུར། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་སྔོན་པོ་གཞུའི་དབྱིབས་ལྟ་བུ་བ་དན་གྱིས་མཚན་པ།
