ཨ་རཱ་གས་མཛད་པའི་རྫ་རྒྱལ་འབྲི་བྱེད་ཀྱི་ཀ་བསྟོད།
ཀ་ཡི་གསོན་དང་ཟླ་རྒྱལ་འབྲི་བྱེད་རྗེ།།
ཁ་བ་ཅན་གྱི་ཡུལ་ལྗོངས་ཟླ་སྟོད་ཀྱི།།
ག་ནས་བསམས་ཀྱང་ས་བདག་ཁྱོད་ཡིན་པས།།
ང་ཡི་ཁྱེད་ལ་བསྟོད་པ་འབུལ་བའི་ཕྱིར།།
ཅ་ཅོའི་སྤྲིན་དབྱངས་འདི་དག་གསན་པར་མཛོད།།
ཆ་ལུག་མི་དཀར་རུ་རྨོག་རྒོད་ཐུལ་ཅན།།
ཇ་ཆང་དཀར་གསུམ་གཏོར་མའི་མཆོད་པ་འབུལ།།
ཉ་རྒྱས་ཟླ་ལྟར་དཀར་ཞིང་མཛེས་པའི་ཞལ།།
ཏ་ཐཱ་ག་ཏའི་བསྟན་པ་སྲུང་མཛད་ཅིང་།།
ཐ་ན་སུ་མཆོད་དེ་ཡི་ལྷ་ཡིན་ཏེ།།
ད་ནི་རྣལ་འབྱོར་བདག་གི་སྲུང་མ་མཛོད།།
ན་ཚ་ཤི་དང་གོད་ཁ་མ་བཏང་ཞིག
པ་དེ་པུད་དེ་ཕན་ཐོག་དགོས་པ་མེད།།
ཕ་རོལ་གནོད་བྱེད་ཐམས་ཅད་ཧུར་ཐུཾ་བཟློག
བ་མོར་ཉི་ཟེར་བཞིན་དུ་འགལ་རྐྱེན་སོལ།།
མ་སྲིང་མཛེས་པའི་ཆ་ལུགས་བཙུན་མོའི་ཚོགས།།
ཙ་ཁ་ལེགས་ཤིང་ལོ་ཕྱུག་འཕེལ་བ་དང་།།
ཚྭ་ཁ་ཚོང་དུས་འགྲིམས་དུས་ཁ་འཛིན་མཛོད།།
ཛ་ཡི་པདྨ་འབྱུང་གནས་བཀའ་བསྒོས་ལྟར།།
ཝ་རེ་ཞུ་རེའི་བསྙན་གྲགས་མངའ་ཐང་སྩོལ།།
ཞྭ་ལྟར་པད་འབྱུང་སྤྱི་བོར་བཀུར་བྱེད་ཅིང་།།
ཟ་བྱེད་བཙན་བདུད་དྲེགས་པའི་ཚོགས་དང་བཅས།།
འ་རེ་འུ་རེའི་འབྲུག་སྒྲ་ཐོག་སེར་བཅས།།
ཡ་མཚན་ཆེ་བའི་སྨན་ཕྲན་མང་པོ་དང་།།
ར་སྐྱེས་འབུམ་གྱིས་འཁོར་དང་བཅས་པ་ལ།།
ལ་ཆེན་འབྲི་བྱེད་འཁོར་དང་བཅས་ལ་བསྟོད།།
ཤ་ཚ་སྙིང་རྗེའི་ཕ་མ་ཁོ་བོ་ལྟར།།
ས་ཆ་གང་དུ་འདུག་ཀྱང་ཁ་འཛིན་མཛོད།།
ཧ་ཧ་དགྱེས་པའི་གད་མོ་དང་བཅས་ལ།།
ཨ་ལ་ལ་ཧོ་དངོས་གྲུབ་ཐམས་ཅད་སྩོལ།།
No comments:
Post a Comment